Sudarshan Faakir

apni surat lagi para.i si
jab kabhi ham ne a.ina dekha

dil ke divar-o-dar pe kya dekha
bas tira naam hi likha dekha

ye sikhaya hai dosti ne hamen
dost ban kar kabhi vafa na karo

ek do roz ka sadma ho to ro len 'fakir'
ham ko har roz ke sadmat ne rone na diya

samne hai jo use log bura kahte hain
jis ko dekha hi nahin us ko khuda kahte hain

ashiqi ho ki bandagi 'fakhir'
be-dili se to ibtida na karo

dil to rotaa rahe aur aankh se aansu na bahe
ishq ki aisi rivaayaat ne dil toD diyaa

har taraf ziist ki raahon mein kaDi dhuup hai dost
bas tiri yaad ke saae hain panaahon ki tarah

tere jaane mein aur aane mein
ham ne sadiyon kaa faasla dekhaa

ye sikhaayaa hai dosti ne hamein
dost ban kar kabhi vafaa na karo

mere dukh ki koi davaa na karo
mujh ko mujh se abhi judaa na karo

rone vaalon se kaho un kaa bhi ronaa ro lein
jin ko majburi-e-haalaat ne rone na diyaa