Ummeed Fazli

"tiri talash men jaane kahan bhaTak ja.un safar men dasht bhi aata hai ghar bhi aata hai"

"maqtal-e-jan se ki zindan se ki ghar se nikle ham to khushbu ki tarah nikle jidhar se nikle"

"ye sard raat ye avargi ye niind ka bojh ham apne shahr men hote to ghar ga.e hote"

"chaman men rakhte hain kanTe bhi ik maqam ai dost faqat gulon se hi gulshan ki aabru to nahin"

"asmanon se farishte jo utare jaa.en vo bhi is daur men sach bolen to maare jaa.en"

"ye khud-e-farebi-e-ehsas-e-arzu to nahin tiri talash kahin apni justuju to nahin"

sukut vo bhi musalsal sukut kyaa maani
kahin yahi tiraa andaaz-e-guftugu to nahin

sakun to jab ho ki main chhaanv sehn mein dekhun
nazar to vaise gali kaa shajar bhi aataa hai

aasmaanon se farishte jo utaare jaaein
vo bhi is daur mein sach bolein to maare jaaein

ai dopahar ki dhuup bataa kyaa javaab duun
divaar puchhti hai ki saaya kidhar gayaa

chaman mein rakhte hain kaanTe bhi ik maqaam ai dost
faqat gulon se hi gulshan ki aabru to nahin

vo khvaab hi sahi pesh-e-nazar to ab bhi hai
bichhaDne vaalaa sharik-e-safar to ab bhi hai