chaman mein rakhte hain kaanTe bhi ik maqaam ai dost — Ummeed Fazli

sukut vo bhi musalsal sukut kyaa maani
kahin yahi tiraa andaaz-e-guftugu to nahin

sakun to jab ho ki main chhaanv sehn mein dekhun
nazar to vaise gali kaa shajar bhi aataa hai

aasmaanon se farishte jo utaare jaaein
vo bhi is daur mein sach bolein to maare jaaein

ai dopahar ki dhuup bataa kyaa javaab duun
divaar puchhti hai ki saaya kidhar gayaa

jaane kab tufaan bane aur rastaa rastaa bichh jaae
band banaa kar so mat jaanaa dariyaa aakhir dariyaa hai

vo khvaab hi sahi pesh-e-nazar to ab bhi hai
bichhaDne vaalaa sharik-e-safar to ab bhi hai

jab ki pahlu se yaar uThtaa hai
dard be-ikhtiyaar uThtaa hai

ajiib vaqt hai ab doston ke chaaqu ko
mire qalam ki nahin ungliyon ki hasrat hai

kab alam aur hasratein apni kahein ai dostaan
raat ko bulbul hain ham aur din ko parvaane hain ham

mohkme mein ishq ke hai yaaro divaane kaa shor
mere dil dene kaa ghul us ke mukar jaane kaa shor

miri khushi se mire doston ko gham hai 'shamim'
mujhe bhi is kaa bahut gham hai kyaa kiyaa jaae

ai kuza-gar de shakl mujhe ik charaagh ki
jis se kisi dayaar ko raushan main kar sakun