Zubair Ahmad Saani

aaiye shauq se bhaunchaal bapaa kar diije
bazm-e-dil aap ki khaatir hi sajaa rakkhi hai

mauzu'-e-guftugu to hai jinsi jamaaliyaat
aur markaz-e-khayaal tumhaaraa hi jism hai

chashm-poshi karein mukhlis hain vafaa mein vo agar
kyon mire achchhe-bure par vo nazar rakhte hain

zindagi se milaa nahin kuchh bhi
phir bhi ik aas hai musalsal hai

tiri maa'sum nigaahon ke taqaddus ke tufail
'ishq tahzib se aaraasta ho jaataa hai

is vaaste muhaal hai ham donon mein nibaah
tu khud-numaa hai main bhi riyaa ke khilaaf huun