SHAWORDS

turra use jo husn-e-dil-aazaar ne kiyaa — Haidar Ali Aatish

Home›Haidar Ali Aatish›Ghazal
"turra use jo husn-e-dil-aazaar ne kiyaa andher gesu-e-siyah-e-yaar ne kiyaa gul se jo saamnaa tire rukhsaar ne kiyaa mizhgaan ne vo kiyaa ki jo kuchh khaar ne kiyaa naaz-o-adaa ko tark mire yaar ne kiyaa ghamza nayaa ye turk sitamgaar ne kiyaa afshaan se kushta abru-e-khamdaar ne kiyaa jauhar se kaam yaar ki talvaar ne kiyaa qaamat tiri dalil qayaamat ki ho gai kaam aaftaab-e-hashr kaa rukhsaar ne kiyaa meri nigah ke rashk se rauzan ko jaan di rakhna ye qasr-e-yaar ki divaar ne kiyaa saudaa-e-zulf mein mujhe aayaa khayaal-e-rukh mushtaaq raushni kaa shab-e-taar ne kiyaa hasrat hi bosa-e-lab-e-shirin ki rah gai miThaa na munh ko tere namak-khvaar ne kiyaa fursat mili na girya se ik lahza ishq mein paani mire lahu ko is aazaar ne kiyaa simaab ki tarah se shagufta huaa mizaaj iksir mujh ko mere kharidaar ne kiyaa qad mein to kar chukaa thaa vo ahmaq baraabari majbur sarv ko tiri raftaar ne kiyaa hairat se paa-ba-gil hue rauzan ko dekh kar divaar ham ko yaar ki divaar ne kiyaa patthar ke aage sajda kyaa tu ne brahman kaafir tujhe tire but-e-pindaar ne kiyaa kaavish mizha ne ki rukh-e-dilbar ki diid mein paa-e-nigaah se bhi khalish khaar ne kiyaa 'aashiq ki tarah main jo lagaa karne bandagi aazaad daagh de ke kharidaar ne kiyaa e'jaaz kaa 'ajab lab-e-jaan-bakhsh se nahin paighambar us ko mushaf-e-rukhsaar ne kiyaa turra ki tarah se dil-e-aashiq ko pech mein kis kis lapeT se tiri dastaar ne kiyaa aankhon ko band kar ke tasavvur mein baagh ke gulshan qafas ko murgh-e-giraftaar ne kiyaa naalaan huaa main us rukh-e-rangin ko dekh kar bulbul mujhe nazaara-e-gulzaar ne kiyaa haklaa ke mujh se baat jo us dil-rubaa ne ki kis husn se adaa use takraar ne kiyaa ulTaa udhar naqaab to parde paDe idhar aankhon ko band jalva-e-didaar ne kiyaa lazzat ko tark kar to ho duniyaa kaa ranj duur parhez bhi davaa hai jo bimaar ne kiyaa naa-saaf aaina ho to bad-tar hai sang se raushan ye haal ham ko jalaakaar ne kiyaa halqa ki naaf-e-yaar ke taa'rif kyaa karun gol aisaa daaera nahin parkaar ne kiyaa divaan-e-husn-e-yaar ki 'aatish' jo sair ki divaana bait abru-e-khamdaar ne kiyaa"
Urdu

طرہ اسے جو حسن دل آزار نے کیا اندھیر گیسوئے سیہ یار نے کیا گل سے جو سامنا ترے رخسار نے کیا مژگاں نے وہ کیا کہ جو کچھ خار نے کیا ناز و ادا کو ترک مرے یار نے کیا غمزہ نیا یہ ترک ستم گار نے کیا افشاں سے کشتہ ابروئے خم دار نے کیا جوہر سے کام یار کی تلوار نے کیا قامت تری دلیل قیامت کی ہو گئی کام آفتاب حشر کا رخسار نے کیا میری نگہ کے رشک سے روزن کو جان دی رخنہ یہ قصر یار کی دیوار نے کیا سودائے زلف میں مجھے آیا خیال رخ مشتاق روشنی کا شب تار نے کیا حسرت ہی بوسۂ لب شیریں کی رہ گئی میٹھا نہ منہ کو تیرے نمک خوار نے کیا فرصت ملی نہ گریہ سے اک لحظہ عشق میں پانی مرے لہو کو اس آزار نے کیا سیماب کی طرح سے شگفتہ ہوا مزاج اکسیر مجھ کو میرے خریدار نے کیا قد میں تو کر چکا تھا وہ احمق برابری مجبور سرو کو تری رفتار نے کیا حیرت سے پا بہ گل ہوئے روزن کو دیکھ کر دیوار ہم کو یار کی دیوار نے کیا پتھر کے آگے سجدہ کیا تو نے برہمن کافر تجھے ترے بت پندار نے کیا کاوش مژہ نے کی رخ دلبر کی دید میں پائے نگاہ سے بھی خلش خار نے کیا عاشق کی طرح میں جو لگا کرنے بندگی آزاد داغ دے کے خریدار نے کیا اعجاز کا عجب لب جاں بخش سے نہیں پیغمبر اس کو مصحف رخسار نے کیا طرہ کی طرح سے دل عاشق کو پیچ میں کس کس لپیٹ سے تری دستار نے کیا آنکھوں کو بند کر کے تصور میں باغ کے گلشن قفس کو مرغ گرفتار نے کیا نالاں ہوا میں اس رخ رنگیں کو دیکھ کر بلبل مجھے نظارۂ گل زار نے کیا ہکلا کے مجھ سے بات جو اس دل ربا نے کی کس حسن سے ادا اسے تکرار نے کیا الٹا ادھر نقاب تو پردے پڑے ادھر آنکھوں کو بند جلوۂ دیدار نے کیا لذت کو ترک کر تو ہو دنیا کا رنج دور پرہیز بھی دوا ہے جو بیمار نے کیا ناصاف آئینہ ہو تو بد تر ہے سنگ سے روشن یہ حال ہم کو جلاکار نے کیا حلقہ کی ناف یار کے تعریف کیا کروں گول ایسا دائرہ نہیں پرکار نے کیا دیوان حسن یار کی آتشؔ جو سیر کی دیوانہ بیت ابروئے خم دار نے کیا

Hindi

तुर्रा उसे जो हुस्न-ए-दिल-आज़ार ने किया अंधेर गेसू-ए-सियह-ए-यार ने किया गुल से जो सामना तिरे रुख़्सार ने किया मिज़्गाँ ने वो किया कि जो कुछ ख़ार ने किया नाज़-ओ-अदा को तर्क मिरे यार ने किया ग़म्ज़ा नया ये तुर्क सितमगार ने किया अफ़्शाँ से कुश्ता अबरू-ए-ख़मदार ने किया जौहर से काम यार की तलवार ने किया क़ामत तिरी दलील क़यामत की हो गई काम आफ़्ताब-ए-हश्र का रुख़्सार ने किया मेरी निगह के रश्क से रौज़न को जान दी रख़्ना ये क़स्र-ए-यार की दीवार ने किया सौदा-ए-ज़ुल्फ़ में मुझे आया ख़याल-ए-रुख़ मुश्ताक़ रौशनी का शब-ए-तार ने किया हसरत ही बोसा-ए-लब-ए-शीरीं की रह गई मीठा न मुँह को तेरे नमक-ख़्वार ने किया फ़ुर्सत मिली न गिर्या से इक लहज़ा इश्क़ में पानी मिरे लहू को इस आज़ार ने किया सीमाब की तरह से शगुफ़्ता हुआ मिज़ाज इक्सीर मुझ को मेरे ख़रीदार ने किया क़द में तो कर चुका था वो अहमक़ बराबरी मजबूर सर्व को तिरी रफ़्तार ने किया हैरत से पा-ब-गिल हुए रौज़न को देख कर दीवार हम को यार की दीवार ने किया पत्थर के आगे सज्दा क्या तू ने बरहमन काफ़िर तुझे तिरे बुत-ए-पिंदार ने किया काविश मिज़ा ने की रुख़-ए-दिलबर की दीद में पा-ए-निगाह से भी ख़लिश ख़ार ने किया 'आशिक़ की तरह मैं जो लगा करने बंदगी आज़ाद दाग़ दे के ख़रीदार ने किया ए'जाज़ का 'अजब लब-ए-जाँ-बख़्श से नहीं पैग़म्बर उस को मुसहफ़-ए-रुख़्सार ने किया तुर्रा की तरह से दिल-ए-आशिक़ को पेच में किस किस लपेट से तिरी दस्तार ने किया आँखों को बंद कर के तसव्वुर में बाग़ के गुलशन क़फ़स को मुर्ग़-ए-गिरफ़्तार ने किया नालाँ हुआ मैं उस रुख़-ए-रंगीं को देख कर बुलबुल मुझे नज़ारा-ए-गुलज़ार ने किया हकला के मुझ से बात जो उस दिल-रुबा ने की किस हुस्न से अदा उसे तकरार ने किया उल्टा उधर नक़ाब तो पर्दे पड़े इधर आँखों को बंद जल्वा-ए-दीदार ने किया लज़्ज़त को तर्क कर तो हो दुनिया का रंज दूर परहेज़ भी दवा है जो बीमार ने किया ना-साफ़ आईना हो तो बद-तर है सँग से रौशन ये हाल हम को जलाकार ने किया हल्क़ा की नाफ़-ए-यार के ता'रीफ़ क्या करूँ गोल ऐसा दायरा नहीं परकार ने किया दीवान-ए-हुस्न-ए-यार की 'आतिश' जो सैर की दीवाना बैत अबरू-ए-ख़मदार ने किया

Haidar Ali AatishHaidar Ali AatishDilMaaHasratGul
turra use jo husn-e-dil-āzār ne kiyā
Haidar Ali Aatish
Haidar Ali Aatish
Haidar Ali Aatish
poet192 quotes

More by Haidar Ali Aatish

View all →
Quote
"koi achchhaa nahin hotaa hai bari chaalon se lab-e-baam aa ke khaDe ho na khule baalon se roz-o-shab kis liye rahtaa huun ilaahi betaab na to goron se mohabbat na mujhe kaalon se josh-e-vahshat mein jo jangal ki taraf jaa niklaa tap chaDhi sher-e-niyastaan ko mire naalon se koi kuchh ishq kaa kartaa hai bayaan koi kuchh tang aayaa huun main is qaziya ke dallaalon se beshtar subh-e-shab-e-vasl se ham guzreinge zor-e-adbaar chalegaa na khush-iqbaalon se mast haathi hai tiri chashm-e-siyah mast ai yaar saf-e-mizhgaan use ghere hue hai bhaalon se ru-e-khubaan se milegaa hamein bosa ki nahin haal in shaklon kaa kuchh puchhiye rammaalon se aarzi husn se nafrat ye hui hai dil ko rutba zulfon ko nahin makDiyon ke jaalon se khat-e-shab-gun ne nikal kar abas andher kiyaa kaafiristaan to vo rukh aage hi thaa khaalon se do jahaan hashr ke din hoveinge baaham maujud muttafiq honge idhar vaale udhar vaalon se dil hasinon ke tasavvur se banaayaa khaali aaina-khaanon mein kasrat rahi timsaalon se kuchh to halkaa karein khaar-e-rah sahraa-e-junun bojh langar kaa hue hain kaf-e-paa chhaalon se in ke boson ki tamannaa hai labon ko 'aatish' aaina kasb-e-safaa karte hain jin gaalon se"
Haidar Ali AatishHaidar Ali Aatish
DilMaa
Quote
"khaar matlub jo hove to gulistaan maangun bijli girne ko jo ji chaahe to baaraan maangun shama gul hove jo subh-e-shab-e-hijraan maangun os paDni bhi ho mauquf jo yaaraan maangun khaak mein bhi jo milun main to kisi sahraa mein tum se miTTi bhi na ai gabr o musalmaan maangun bakht-e-vaazhun ne zabaan ko ye asar bakhshaa hai talkhi-e-marg mazaa de jo namakdaan maangun khaana-e-dil mein karun daagh-e-mohabbat ko talab raushni ke liye is ghar ke jo mehmaan maangun paadshaahi se faqiri kaa hai paayaa baalaa boriyaa chhoD ke kyaa takht-e-sulaimaan maangun ranj se ishq ke hai raaht-e-duniyaa bad-tar zakhm-e-khandaan huun agar main gul-e-khandaan maangun de diyaa kijiye saudaai tumhaaraa huun miyaan sunghne ko jo kabhi zulf-e-pareshaan maangun aashiqe-e-dast-e-nigaarin huun ajab kyaa is kaa bhiik dariyaa se agar panja-e-marjaan maangun meve par baagh-e-jahaan mein ho jo dil ko raghbat shajar-e-husn se main seb-e-zanakhdaan maangun jaama-e-jism bhi rakhne kaa nahin dast-e-junun pairahan-e-khaak mein divaana-e-uryaan maangun yaas-o-hirmaan huun jo lohe ke chane bhi to chabaaun neamat-e-ishq ke qaabil lab-o-dandaan maangun milti ho maangne se baagh-e-jahaan mein jo muraad gul se bulbul ke kafan ke liye daamaan maangun kab se dar par tire saail huun main 'aatish' ki tarah vo mile mujh ko jo kuchh ai shah-e-khubaan maangun"
Haidar Ali AatishHaidar Ali Aatish
MaaSham
Quote
"bargashta-taalai kaa tamaashaa dikhaaun main ghar ko lage jo aag to paani bujhaaun main jins-e-giraan-bahaa kaa kharidaar kaun hai yaktaa nahin ilaahi jo chori hi jaaun main laala-rukhon ke husn kaa bhukaa huun is qadar dil ho na sair laakh agar daagh khaaun main aankhein miri kare jo munavvar jamaal-e-yaar ghē ke charaagh tuur ke uupar jalaaun main murde ki tarah sote hain kaise mire nasib Thokar se paa-e-yaar ke un ko jagaaun main bosa mile kamaan kaa jo abru-e-yaar ki mehraab-e-bait-e-kaaba mein chillaa chaDhaaun main ji chaahtaa hai shauq-e-shahaadat mein qabl-e-marg banvaa ke qabr-e-laala ko us par lagaaun main ghar mein jo mujh faqir ke vo shaah-e-husn aae mizhgaan ke boriye jo khaDe hain bichhaaun main kaanTaa sukhaa ke hijr ne har-chand kar diyaa vo gul-badan mile to na phulaa samaaun main tum to gharib-khaane mein aae na ek roz farmaaiye to shab ko kisi vaqt aauun main baarik-bin huun shaaer-e-naazuk-khayaal huun mazmun jahaan kamar kaa mile baandh laaun main 'aatish' ghulaam-e-saaqi-e-kausar huun chaahiye firdaus kaa khulaa huaa darvaaza paaun main"
Haidar Ali AatishHaidar Ali Aatish
DilMaa
Quote
"qad-e-sanam saa agar aafrida honaa thaa na sarv-e-baagh ko itnaa kashida honaa thaa huaa hai zulf se gustaakh kis qadar shaana hamaare paas bhi dast-e-burida honaa thaa na khinchnaa thaa zulekhaa ko daaman-e-yusuf usi kaa parda-e-ismat darida honaa thaa diyaa na saath jo sabr-o-qaraar ne na diyaa ravaana mulk-e-adam ko jarida honaa thaa miTaae se koi miTtaa hai baatilon ke haq kuchh ikhtiyaar se kyaa barguzida honaa thaa na jaantaa thaa ghazab hai nigah kaa tiir ai dil tujhi ko saamne aafat-rasida honaa thaa rulaataa shaam-o-sahar kis tarah na taale-e-past buland sar se mire aab-dida honaa thaa gurez-e-yaar ne barbaad kar diyaa ham ko ghubaar-e-raah ghazaal-e-ramida honaa thaa na aai daaman-e-daaya mein niind ai 'aatish' darun-e-daaman-e-khaak aaramida honaa thaa"
Haidar Ali AatishHaidar Ali Aatish
DilMaa
Quote
"shohra-e-aafaaq mujh saa kaun saa divaana hai hind mein main huun paristaan mein miraa afsaana hai said-gaah-e-murgh-e-dil rukhsaara-e-jaanaana hai daam-e-zulf-e-ambarin hai khaal-e-mushkin daana hai husn se rutba hai apne ishq-e-kaamil kaa buland aastaana par pari hai baam par divaana hai is mein rahtaa hai safaa-e-ru-e-jaanaan kaa khayaal dil nahin pahlu mein apne aaina kaa khaana hai bechtaa huun dil ko jo mahbub chaahe mol le bosa qimat hai tavajjoh ki nazar baiaana hai phuTein vo aankhein nigaah-e-bad se jo dekhein tujhe aatishin rukhsaar mijmar khaal kaalaa daana hai roz-o-shab us shama-ru ko bhejtaa huun khatt-e-shauq naama-bar din ko kabutar raat ko parvaana hai khaar khaar-e-dil ghanimat jaantaa huun ishq mein zulf-e-dud-e-aah ki aarastagi kaashaana hai sharh likkhaa chaahiye us ki bayaaz-e-subh par matla-e-khurshid bait-e-abru-e-jaanaana hai haalat-e-aaina rakhtaa hai safaa se dil miraa aashnaa se aashnaa begaana se begaana hai qatl se mujh sakht-jaan ke munkir ai qaatil na ho hujjat-e-qaate tiri talvaar kaa dandaana hai vaaste har shai ke duniyaa mein muqarrar hain mahal shahr mein jab tak hai majnun ganj-e-be-viraanaa hai baagh-e-aalam mein nahin us shokh saa koi hasin gul hai apnaa yaar yusuf sabza-e-begaana hai ab nahin ai yaar jauban ko tire bim-e-zavaal khatt-e-mushkin husn ki jaagir kaa parvaana hai haal hai jis kaa usi ke vaaste hai khushnumaa naqs hai talvaar kaa vasf arraa kaa dandaana hai yaar khinche tegh tere qatl karne ke liye sar jhukaa 'aatish' ye jaa-e-sajda-e-shukraana hai"
Haidar Ali AatishHaidar Ali Aatish
RaatMaa

More on Dil

View all →
Quote
"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"
Anees QalbAnees Qalb
DilKhudi
Quote
"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"
M
Muztar Muzaffarpuri
DilRaat
Quote
"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"
Farooque AdilFarooque Adil
DilKhudi
Quote
"jaagte hi nazar akhbaar mein kho jaati hai zindagi dard ke ambaar mein kho jaati hai naa-khudaa aql ke patvaar uThaataa hai ki jab kashti-e-dil miri manjdhaar mein kho jaati hai be-sabab sochne vaale kabhi sochaa tu ne aagahi kasrat-e-afkaar mein kho jaati hai uDte rahte hain khayaalaat ke jugnu phir bhi baat kyuun parda-e-izhaar mein kho jaati hai us ke kaamon kaa hai rangin khushaamad pe madaar aur mehnat miri isaar mein kho jaati hai hurmat-e-parda zaruri hai 'ataa-ji' varna chiiz jaisi bhi ho baazaar mein kho jaati hai"
Ata AbidiAta Abidi
ZindagiDil