guzre jo apne yaaron ki sohbat mein chaar din — A G Josh

meri barbaadi mein hissa hai apnon kaa
mumkin hai ye baat ghalat ho par lagtaa hai

aa gae dil mein vasvase kitne
vaqt jab e'tibaar kaa aayaa

Thukraa ke chale jaanaa hai bar-haq tumhein lekin
bas rakhnaa khayaal itnaa jahaan ko na khabar ho

ishq kachche ghaDe pe Duub gayaa
lamha jab intizaar kaa aayaa

jo faqr mein surur hai shaahi mein vo kahaan
ham bhi rahe hain nashsha-e-daulat mein chaar din

uD gae aas ke sabhi panchhi
jin kaa dil mein mire baseraa thaa

jab ki pahlu se yaar uThtaa hai
dard be-ikhtiyaar uThtaa hai

pukhta agar hai 'azm to socho na dosto
chhoTi si naav aur samundar vishaal hai

yahi mahr o maah o anjum ko gila hai mujh se yaa-rab
ki unhein bhi chain miltaa jo mujhe qaraar hotaa

main to apni jaan pe khel ke pyaar ki baazi jiit gayaa
qaatil haar gae jo ab tak khuun ke chhinTe dhote hain

ye soch kar bhi hans na sake ham shikasta-dil
yaaraan-e-gham-gusaar kaa dil TuuT jaaegaa

sau diye jalaae hain doston ke aangan mein
phir bhi mere aangan mein har taraf andheraa hai