Thukraa ke chale jaanaa hai bar-haq tumhein lekin — A G Josh

meri barbaadi mein hissa hai apnon kaa
mumkin hai ye baat ghalat ho par lagtaa hai

guzre jo apne yaaron ki sohbat mein chaar din
aisaa lagaa basar hue jannat mein chaar din

aa gae dil mein vasvase kitne
vaqt jab e'tibaar kaa aayaa

ishq kachche ghaDe pe Duub gayaa
lamha jab intizaar kaa aayaa

jo faqr mein surur hai shaahi mein vo kahaan
ham bhi rahe hain nashsha-e-daulat mein chaar din

uD gae aas ke sabhi panchhi
jin kaa dil mein mire baseraa thaa

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

is shahar kaa dastur hai rishton kaa bhulaanaa
tajdid-e-maraasim ke liye haath na baandhun

shab ko miri chashm-e-hasrat kaa sab dard-e-dil un se kah jaanaa
daanton mein dabaa kar honT apnaa kuchh soch ke us kaa rah jaanaa

gae mausam kaa ik piilaa saa pattaa shaakh par rah kar
na jaane kyaa bataanaa chaahtaa hai in bahaaron ko

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa