naam-levaa tumhaaraa hai 'tarzi' — Abdul Mannan Tarzi

dard kaa silsila hai jahaan tak
dil ki jaagir hogi vahaan tak

teri yaadon ke lamhe bhi bedard the
tujh ko mujh se churaate rahe raat-bhar

is kashmakash mein teri gali se pare rahe
aae kahaan pe harf kahaan par na aae harf

ik qayaamat hai aap kaa vaada
chaliye ye bhi azaab ho jaae

himmat-e-tark-e-vafaa Duub gai
kis ne aankhon mein utaaraa dariyaa

kyaa yahaan dekhiye kyaa vahaan dekhiye
aap hi aap hain ab jahaan dekhiye

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

khulaa fareb-e-mohabbat dikhaai detaa hai
ajab kamaal hai us bevafaa ke lahje mein

yuun agar jhagDaa mohabbat kaa chuke to khuub hai
ham ziyaada chaahein vo ai 'mehr' kam chaahaa karein

paas-e-aadaab-e-husn-e-yaar rahaa
ishq mere liye adiib huaa

bahut mushkil zamaanon mein bhi ham ahl-e-mohabbat
vafaa par ishq ki buniyaad rakhnaa chaahte hain