paas-e-aadaab-e-husn-e-yaar rahaa — Hatim Ali Mehr

ai buton allaah se li hai ijaazat vasl ki
kal hazaaron dekh Daale istikhaare raat ko

hai ye purab ki zabaan-daani 'mehr'
kahte hain baat ko ham suntaa huun

kaabe mein ham ko dair kaa har dam khayaal thaa
allaah jaantaa hai buton kaa rahaa lihaaz

dar-ba-dar maaraa-phiraa main justuju-e-yaar mein
zaahid-e-kaaba huaa rahbaan-e-but-khaana huaa

ye hind hai ai 'mehr' yahaan puuj buton ko
kyuun barahman-e-dair-o-kalisaa nahin honaa

gul baang thi gulon ki hamaaraa taraana thaa
apnaa bhi is chaman mein kabhi aashiyaana thaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

tark-e-mohabbat tauba tauba
ye meraa imaan nahin hai

kabhi na husn-o-mohabbat mein ban saki 'vaahid'
vo apne naaz mein ham apne baankpan mein rahe

ulfat ne tiri ham ko to rakkhaa na kahin kaa
dariyaa kaa na jangal kaa samaa kaa na zamin kaa

saf-ba-saf teri mohabbat ne sanbhaalaa ham ko
aur ham TuuT ke bikhre bhi to yakjaai rahi