un ke lab par miraa gila hi sahi — Abdussamad ’Tapish’

ab nishaana us ki apni zaat hai
laD rahaa hai ik anokhi jang vo

kaun patthar uThaae
ye shajar be-samar hai

use khilaunon se baDh kar hai fikr roTi ki
hamaare daur kaa bachcha janam se buDhaa hai

koi column nahin hai haadson par
bachaa kar aaj kaa akhbaar rakhnaa

vahi qaatil vahi munsif banaa hai
usi se faisla Thahraa huaa hai

main ne jo kuchh bhi likkhaa hai
vo sab harf-e-aainda hai

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

jiinaa taDap taDap kar marnaa sisak sisak kar
fariyaad ek ji hai kyaa kyaa kharaabiyon mein

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

is bhare shahr mein din raat Thaharte hi nahin
kaun yaadon ke safar-naame ko tahrir kare