mujhe bhi fursat-e-nazzaara-e-jamaal na thi — Abrar Azmi

main ne kal toDaa ik aaina to mahsus huaa
is mein poshida koi chiiz thi jauhar jaisi

khushnumaa divaar-o-dar ke khvaab hi dekhaa kiye
jism sahraa zehn viraan aankh giili ho gai

kamre mein dhuaan dard ki pahchaan banaa thaa
kal raat koi phir miraa mehmaan banaa thaa

parinde fazaaon mein phir kho gae
dhuaan hi dhuaan aashiyaanon mein thaa

tamaam raat vo pahlu ko garm kartaa rahaa
kisi ki yaad kaa nashsha sharaab jaisaa thaa

shaayad tumhaari yaad mire paas aa gai
yaa hai mire hi dil ki sadaa sochnaa paDaa

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

yuun to qadam qadam pe hai divaar saamne
koi na ho to khud se ulajh jaanaa chaahiye

saadgi o purkaari be-khudi o hushyaari
husn ko taghaaful mein jurat-aazmaa paayaa

jab talak shisha rahaa main baar-haa toDaa gayaa
ban gayaa patthar to sab ne devtaa maanaa mujhe

usi ki tarah mujhe saaraa zamaanaa chaahe
vo miraa hone se zyaada mujhe paanaa chaahe