saadgi o purkaari be-khudi o hushyaari — Mirza Ghalib

phir usi bevafaa pe marte hain
phir vahi zindagi hamaari hai

umr bhar dekhaa kiye marne ki raah
mar gae par dekhiye dikhlaaein kyaa

girni thi ham pe barq-e-tajalli na tuur par
dete hain baada zarf-e-qadah-khvaar dekh kar

naakaami-e-nigaah hai barq-e-nazaaraa-soz
tu vo nahin ki tujh ko tamaashaa kare koi

ye na thi hamaari qismat ki visaal-e-yaar hotaa
agar aur jiite rahte yahi intizaar hotaa

marte hain aarzu mein marne ki
maut aati hai par nahin aati

jab ki pahlu se yaar uThtaa hai
dard be-ikhtiyaar uThtaa hai

kuchh vaqt apne saath guzaarungaa main 'zamir'
khud se agar milaa jo kabhi ku-e-yaar mein

dekh saktaa huun binaa chashme ke main
dost teri bevafaai saaf saaf

hamein khabar thi bachaane kaa us mein yaaraa nahin
so ham bhi Duub gae aur use pukaaraa nahin

agar itni muqaddam thi zarurat raushni ki
to phir saae se apne pyaar karnaa chaahiye thaa

hijr se vasl ki itni thi masaafat yaaro
rang tabdil huaa bahte hue paani kaa