ek aaina ru-ba-ru hai abhi — Ada Jafarey

bas ek baar manaayaa thaa jashn-e-mahrumi
phir us ke baad koi ibtilaa nahin aai

na bahlaavaa na samjhautaa judaai si judaai hai
'adaa' socho to khushbu kaa safar aasaan nahin hotaa

main aandhiyon ke paas talaash-e-sabaa mein huun
tum mujh se puchhte ho miraa hausla hai kyaa

hamaare shahr ke logon kaa ab ahvaal itnaa hai
kabhi akhbaar paDh lenaa kabhi akhbaar ho jaanaa

agar sach itnaa zaalim hai to ham se jhuuT hi bolo
hamein aataa hai patjhaD ke dinon gul-baar ho jaanaa

varna insaan mar gayaa hotaa
koi be-naam justuju hai abhi

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

shor din ko nahin sone detaa
shab ko sannaaTaa jagaa detaa hai

ghairon se to fursat tumhein din raat nahin hai
haan mere liye vaqt-e-mulaaqaat nahin hai

baal apne us pari-ru ne sanvaare raat bhar
saanp loTe saikDon dil par hamaare raat bhar

vaaqif nahin ki paanv mein paDti hain beDiyaan
dulhe ko ye khushi hai ki meri baraat hai