agar sach itnaa zaalim hai to ham se jhuuT hi bolo — Ada Jafarey

bas ek baar manaayaa thaa jashn-e-mahrumi
phir us ke baad koi ibtilaa nahin aai

jis ki jaanib 'adaa' nazar na uThi
haal us kaa bhi mere haal saa thaa

hazaar kos nigaahon se dil ki manzil tak
koi qarib se dekhe to ham ko pahchaane

dil ke viraane mein ghume to bhaTak jaaoge
raunaq-e-kucha-o-baazaar se aage na baDho

kuchh itni raushni mein the chehron ke aaine
dil us ko DhunDhtaa thaa jise jaantaa na thaa

varna insaan mar gayaa hotaa
koi be-naam justuju hai abhi

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

miTaanaa chaahun to mumkin kahaan miTaa bhi sakun
vo ek baal jo aaina-e-khayaal mein hai

kahaa thaa main ne kho kar bhi tujhe zinda rahungaa
vo aisaa jhuuT thaa jis ko nibhaanaa paD gayaa hai

allaah-re be-khudi ki chalaa jaa rahaa huun main
manzil ko dekhtaa huaa kuchh sochtaa huaa

anaa-parast huun mil jaaun khaak mein lekin
kharid saktaa nahin koi maal zar se mujhe