jahaan-e-ishq se ham sarsari nahin guzre — Ahmad Mushtaq

khoyaa hai kuchh zarur jo us ki talaash mein
har chiiz ko idhar se udhar kar rahe hain ham

dukh ke safar pe dil ko ravaana to kar diyaa
ab saari umr haath hilaate raheinge ham

koi tasvir mukammal nahin hone paati
dhuup dete hain to saayaa nahin rahne dete

mohabbat mar gai 'mushtaaq' lekin tum na maanoge
main ye afvaah bhi tum ko sunaa kar dekh letaa huun

tire aane kaa din hai tere raste mein bichhaane ko
chamakti dhuup mein saae ikaTThe kar rahaa huun main

paani mein aks aur kisi aasmaan kaa hai
ye naav kaun si hai ye dariyaa kahaan kaa hai

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

'nabil' is ishq mein tum jiit bhi jaao to kyaa hogaa
ye aisi jiit hai pahlu mein jis ke haar chalti hai

shaaeri ishq gham rizq kitaabein ghar-baar
kitni samton mein ba-yak-vaqt guzar hai meraa

meri miTTi mein mohabbat hi mohabbat hai 'nabil'
chhu ke dekho to sahi haath lagaao to sahi

aane vaalon ki mohabbat hi bahut hai mujh ko
jaane vaalon se kahaan koi shikaayat hai mujhe