isi qadar hai hayaat o ajal ke biich kaa farq — Ain Tabish

main apnaa kaar-e-vafaa aazmaaungaa phir bhi
kahaan main tere sitam yaad karne vaalaa huun

— Ain Tabish

tu jo is duniyaa ki khaatir apnaa-aap ganvaataa hai
ai dil-e-man ai mere musaafir kaam hai ye naa-daanon kaa

— Ain Tabish

be-hunar dekh na sakte the magar dekhne aa.e
dekh sakte the magar ahl-e-hunar dekh na paa.e

— Ain Tabish

hai ek hi lamha jo kahin vasl kahin hijr
taklif kisi ke liye aaraam kisi kaa

— Ain Tabish

jahaan na apne azizon ki diid hoti hai
zamin-e-hijr pe bhi koi iid hoti hai

— Ain Tabish

ek basti thi hui vaqt ke andoh mein gum
chaahne vaale bahut apne puraane the udhar

— Ain Tabish

kam-umri mein sunet hain
mar jaate hain achchhe log

— Malikzada Javed

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri