main apnaa kaar-e-vafaa aazmaaungaa phir bhi — Ain Tabish

tu jo is duniyaa ki khaatir apnaa-aap ganvaataa hai
ai dil-e-man ai mere musaafir kaam hai ye naa-daanon kaa

be-hunar dekh na sakte the magar dekhne aa.e
dekh sakte the magar ahl-e-hunar dekh na paa.e

hai ek hi lamha jo kahin vasl kahin hijr
taklif kisi ke liye aaraam kisi kaa

jahaan na apne azizon ki diid hoti hai
zamin-e-hijr pe bhi koi iid hoti hai

ji lagaa rakkhaa hai yuun taabir ke auhaam se
zindagi kyaa hai miyaan bas ek ghar khvaabon kaa hai

ek basti thi hui vaqt ke andoh mein gum
chaahne vaale bahut apne puraane the udhar

mere khvaabon ke jharokon ko sajaate rahiye
na sahi vasl magar yaad to aate rahiye

ab to main aur bhi buraa huun ki
ab ziyaada sudhar gayaa huun main

huun vo barbaad ki qismat mein nasheman na qafas
chal diyaa chhoD kar sayyaad tah-e-daam mujhe

ai havaa tu hi use eid-mubaarak kahiyo
aur kahiyo ki koi yaad kiyaa kartaa hai

tumhaari yaad baDi khush-gavaar thi lekin
dil-e-hazin ke liye talkhiyaan baDhaa bhi gai

yaad aae hain uff gunah kyaa kyaa
haath uThaae hain jab duaa ke liye