ashk jab dida-e-tar se niklaa — Akhtar Imam Rizvi

toD bhi do ehsaas ke rishte chhoD bhi do dukh apnaane
ro ro ke jivan kaaToge ro ro ke mar jaaoge

thakaa huaa huun kisi saae ki talaash mein huun
bichhaD gayaa huun sitaaron se raushni ki tarah

kam-zarf zamaane ki hiqaarat kaa gila kyaa
main khush huun miraa pyaar samundar ki tarah hai

ab bhi aati hai tiri yaad pa is karb ke saath
TuTti niind mein jaise koi sapnaa dekhaa

apnon ki chaahaton ne bhi kyaa kyaa diye fareb
rote rahe lipaT ke har ik ajnabi ke saath

mujh ko manzil bhi na pahchaan saki
main ki jab gard-e-safar se niklaa