apnon ki chaahaton ne bhi kyaa kyaa diye fareb — Akhtar Imam Rizvi

toD bhi do ehsaas ke rishte chhoD bhi do dukh apnaane
ro ro ke jivan kaaToge ro ro ke mar jaaoge

thakaa huaa huun kisi saae ki talaash mein huun
bichhaD gayaa huun sitaaron se raushni ki tarah

ashk jab dida-e-tar se niklaa
ek kaanTaa saa jigar se niklaa

kam-zarf zamaane ki hiqaarat kaa gila kyaa
main khush huun miraa pyaar samundar ki tarah hai

ab bhi aati hai tiri yaad pa is karb ke saath
TuTti niind mein jaise koi sapnaa dekhaa

mujh ko manzil bhi na pahchaan saki
main ki jab gard-e-safar se niklaa

har dil-fareb chiiz nazar kaa ghubaar hai
aankhein hasin hon to khizaan bhi bahaar hai

de kar fareb mujh ko gayaa thaa vo shokh-tan
khaa kar fareb lauTaa to siine se lag gayaa

kuchh din ke baa'd us se judaa ho gae 'munir'
us bevafaa se apni tabiat nahin mili

jaan kar us but kaa ghar kaaba ko sajda kar liyaa
ai barahman mujh ko baitullaah ne dhokaa diyaa

mujh ko na dil pasand na vo bevafaa pasand
donon hain khud-gharaz mujhe donon hain naa-pasand

dil vo kaafir hai ki mujh ko na diyaa chiin kabhi
bevafaa tu bhi use le ke pashemaan hogaa