ik aag hamaari muntazir hai — Akhtar Razaa Saleemi

yahin kahin pe koi shahr bas rahaa thaa abhi
talaash kijiye is kaa agar nishaan koi hai

aae adam se ek jhalak dekhne tiri
rakkhaa hi kyaa thaa varna jahaan-e-kharaab mein

pahle taraashaa kaanch se us ne miraa vajud
phir shahr bhar ke haath mein patthar thamaa diye

ab zamin bhi jagah nahin deti
ham kabhi aasmaan pe rahte the

guzar rahaa huun kisi jannat-e-jamaal se main
gunaah kartaa huaa nekiyaan kamaataa huaa

tujhe khabar nahin is baat ki abhi shaayad
ki teraa ho to gayaa huun magar main huun us kaa

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

pyaaso raho na dasht mein baarish ke muntazir
maaro zamin pe paanv ki paani nikal paDe

ye na thi hamaari qismat ki visaal-e-yaar hotaa
agar aur jiite rahte yahi intizaar hotaa

muddat hui palak se palak aashnaa nahin
kyaa is se ab ziyaada kare intizaar chashm

kabhi to chaunk ke dekhe koi hamaari taraf
kisi ki aankh mein ham ko bhi intizaar dikhe

koi to hogaa jis ko miraa intizaar hai
kahtaa hai dil ke shahr-e-tamannaa mein le ke chal