koi to hogaa jis ko miraa intizaar hai — Ibrahim Ashk

zindagi apni musalsal chaahaton kaa ik safar
is safar mein baar-haa mil kar bichhaD jaataa hai vo

na dil mein koi gham rahe na meri aankh nam rahe
har ek dard ko miTaa sharaab laa sharaab de

ye aur baat hai ki barhana thi zindagi
maujud phir bhi mere badan par libaas thaa

kis liye katraa ke jaataa hai musaafir dam to le
aaj sukhaa peD huun kal teraa saayaa main hi thaa

nahin hai tum mein saliqa jo ghar banaane kaa
to 'ashk' jaao parindon ke aashiyaan dekho

bikhre hue the log khud apne vajud mein
insaan ki zindagi kaa ajab bandobast thaa

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

barseingi aaj rahmatein aamad hai yaar ki
naayaab hain ye ghaDiyaan tire intizaar ki

pyaaso raho na dasht mein baarish ke muntazir
maaro zamin pe paanv ki paani nikal paDe

sadiyon ki raakh vaqt ki jholi mein Daal kar
main jaa rahi huun ab tu miraa intizaar kar

apnaa dushman ho agar kuchh hai shuur
intizaar-e-vaada-e-fardaa na kar

sab apni apni raah par aage nikal gae
ab kis kaa intizaar kiye jaa rahe hain ham