ham-safar vo jo ham-safar hi na thaa — Ameeta Parsuram Meeta

barseingi aaj rahmatein aamad hai yaar ki
naayaab hain ye ghaDiyaan tire intizaar ki

— Ameeta Parsuram Meeta

par katar paai jab na khvaabon ke
band hi kar diin khiDkiyaan main ne

— Ameeta Parsuram Meeta

dafnaa diyaa thaa jin ko gunje hain har taraf ab
meri khamoshiyon ko aavaaz mil gai hai

— Ameeta Parsuram Meeta

chaahti thi ki log kam hi milein
so andheron mein hi qayaam kiyaa

— Ameeta Parsuram Meeta

meri saanson ne aaj dastak di
yaad aayaa ki haan main zinda huun

— Ameeta Parsuram Meeta

manzil apni DhunD rahe ho
rasta duuje kaa chalte ho

— Ameeta Parsuram Meeta

roza-daaraan-e-judaai kuun kham-e-abru-e-yaar
maah-e-id-e-ramazaan thaa mujhe maalum na thaa

— Siraj Aurangabadi

firaaq-e-khuld se gandum hai sina-chaak ab tak
ilaahi ho na vatan se koi gharib judaa

— Mohammad Rafi Sauda

is qadar musalsal thiin shiddatein judaai ki
aaj pahli baar us se main ne bevafaai ki

— Ahmad Faraz

is judaai mein tum andar se bikhar jaaoge
kisi maazur ko dekhoge to yaad aaungaa

— Wasi Shah

bichhaDnaa bhi tumhaaraa jite-ji ki maut hai goyaa
use kyaa khaak lutf-e-zindagi jis se judaa tum ho

— Muztar Khairabadi

ik tire kahne se meraa kam nahin kirdaar hogaa
ye alag hai baat main teri kahaani mein nahin huun

— Raghvendra Dwivedi