roza-daaraan-e-judaai kuun kham-e-abru-e-yaar — Siraj Aurangabadi

chali samt-e-ghaib siin kyaa havaa ki chaman zuhur kaa jal gayaa
magar ek shaakh-e-nihaal-e-gham jise dil kaho so hari rahi

masjid abru mein teri mardumuk hai jiyun imaam
mu-e-mizhgaan muqtadi ho mil ke karte hain namaaz

aa shitaabi siin vagarna majlis-e-ushshaaq mein
zulm hai gham hai qayaamat hai kharaabi ai sanam

hamaari baat mohabbat siin tum jo gosh karo
to apni prem kahaani tumhein sunaaungaa

pech khaa khaa kar hamaari aah mein girhein paDin
hai yahi sumran tiri darkaar koi maalaa nahin

haq mein ushshaaq ke qayaamat hai
kyaa karam kyaa itaab kyaa dushnaam

jab ki pahlu se yaar uThtaa hai
dard be-ikhtiyaar uThtaa hai

na koi dost na hamdam na aashnaa na habib
usi se khauf ziyaada jo hai ziyaada qarib

baad marne ke bhi chhoDi na rifaaqat meri
meri turbat se lagi baiThi hai hasrat meri

hamaaraa dost tufaili bhi hai baDaa shaaer
agarche ek baDe aadmi kaa chamcha hai

murdamaan bisyaar honge aur jaa-e-qabr tang
qabr ki taqsim par murdon mein chhiD jaaegi jang

naa-ahl ham hain varna saraapaa mein yaar ke
vo uzv kaun saa hai ki ishq-aafrin nahin