tujh pe jami hain sab ki nazrein — Anis Abr

maut ki aarzu mein divaane
umr-bhar zindagi se laDte hain

main muskuraataa magar di na ashk ne mohlat
khushi jab ek mili saath gham hazaar mile

'abr' duniyaa ko chhoD jaane kaa
ik bahaana talaash karnaa hai

lafz yuun khaamushi se laDte hain
jis tarah gham hansi se laDte hain

aaj insaan ko tapte sahraa mein
bahtaa dariyaa talaash karnaa hai

kyuun haath dil se lagaate ho baar baar apnaa
kyaa dil mein ab bhi koi be-nazir rahtaa hai