'abr' duniyaa ko chhoD jaane kaa — Anis Abr

maut ki aarzu mein divaane
umr-bhar zindagi se laDte hain

main muskuraataa magar di na ashk ne mohlat
khushi jab ek mili saath gham hazaar mile

lafz yuun khaamushi se laDte hain
jis tarah gham hansi se laDte hain

tujh pe jami hain sab ki nazrein
teri nazar mein kaun rahegaa

aaj insaan ko tapte sahraa mein
bahtaa dariyaa talaash karnaa hai

kyuun haath dil se lagaate ho baar baar apnaa
kyaa dil mein ab bhi koi be-nazir rahtaa hai

pyaaso raho na dasht mein baarish ke muntazir
maaro zamin pe paanv ki paani nikal paDe

qimat mire sone ki vahaan khaak lagegi
ho khaak ki qimat jahaan sone k baraabar

hairat se taktaa hai sahraa baarish ke nazraane ko
kitni duur se aai hai ye ret se haath milaane ko

aankhon mein damak uTThi hai tasvir-e-dar-o-baam
ye kaun gayaa mere baraabar se nikal kar

baadalon ne aaj barsaayaa lahu
amn kaa har faakhta rone lagaa

main vo sahraa jise paani ki havas le Duubi
tu vo baadal jo kabhi TuuT ke barsaa hi nahin