aaj insaan ko tapte sahraa mein — Anis Abr

maut ki aarzu mein divaane
umr-bhar zindagi se laDte hain

main muskuraataa magar di na ashk ne mohlat
khushi jab ek mili saath gham hazaar mile

'abr' duniyaa ko chhoD jaane kaa
ik bahaana talaash karnaa hai

lafz yuun khaamushi se laDte hain
jis tarah gham hansi se laDte hain

tujh pe jami hain sab ki nazrein
teri nazar mein kaun rahegaa

kyuun haath dil se lagaate ho baar baar apnaa
kyaa dil mein ab bhi koi be-nazir rahtaa hai

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

kahin bujhti hai dil ki pyaas ik do ghunT se 'anzar'
main suraj huun mire hisse mein dariyaa likh diyaa jaae

un se bhi puchhiye kabhi apni zamin kaa karb
jo saahilon ko chhoD ke dariyaa mein aa gae

vaise to imaan hai meraa un baanhon ki gunjaaish par
dekhnaa ye hai us kashti mein kitnaa dariyaa aa jaataa hai

sharaab o saaqi-e-mah-ru jo saath hon 'bedaar'
to khush-numaa hai shab-e-maahtaab mein dariyaa

dariyaa mein Dubo deinge sabhi shikve gile ham
saahil pe mulaaqaat mulaaqaat rahegi