hijr mein bhi ham ek dusre ke — Anjum Saleemi

dard se bhartaa rahaa zaat ke khaali-pan ko
thoDaa thoDaa yunhi bharpur kiyaa main ne mujhe

kaisi hoti hain udaasi ki jaDein
aa dikhaaun tujhe dil ke reshe

kisi tarah se nazar mutmain nahin hoti
har ek shai ko dobaara badal ke dekhtaa huun

Thiik se yaad bhi nahin ab to
ishq ne mujh mein kab qayaam kiyaa

barham hain mujh pe is liye donon taraf ke log
divaar uTh gai thi to dar kyuun banaayaa hai

patthar mein kaun jonk lagaaegaa mere dost
dil hai to mubtalaa bhi kahin honaa chaahiye

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

kahun ai zauq kyaa haal-e-shab-e-hijr
ki thi ik ik ghaDi sau sau mahine

hijr ke baa'd ye socho ki kahaan jaaoge
ham to mar jaaeinge vaise bhi hamaaraa kyaa hai

hijr ne us ke hamein bakhshi ghazal
ham firaaq-e-yaar kaa gham kyon karein

hamaaraa hijr bhi ab masala ban
zamaane mein uchhaltaa jaa rahaa hai

use bataayaa nahin hijr mein jo haal huaa
jo baat sab se zaruri thi vo chhupaa gayaa huun