Thiik se yaad bhi nahin ab to — Anjum Saleemi

dard se bhartaa rahaa zaat ke khaali-pan ko
thoDaa thoDaa yunhi bharpur kiyaa main ne mujhe

kaisi hoti hain udaasi ki jaDein
aa dikhaaun tujhe dil ke reshe

kisi tarah se nazar mutmain nahin hoti
har ek shai ko dobaara badal ke dekhtaa huun

barham hain mujh pe is liye donon taraf ke log
divaar uTh gai thi to dar kyuun banaayaa hai

main sab kaa sab mohabbat ke liye huun
so laa-mahdud muddat ke liye huun

patthar mein kaun jonk lagaaegaa mere dost
dil hai to mubtalaa bhi kahin honaa chaahiye

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

mushkil inkaar husn ko ho magar
sakht hai ishq par savaal ki baat

jo kahaa main ne ki pyaar aataa hai mujh ko tum par
hans ke kahne lagaa aur aap ko aataa kyaa hai

vo jaa chukaa hai magar phuul khil rahe hain abhi
mohabbaton ko tamaashaa banaa diyaa us ne

raah-e-dur-e-ishq mein rotaa hai kyaa
aage aage dekhiye hotaa hai kyaa