haalaat ne kisi se judaa kar diyaa mujhe — Asad Bhopali

aise iqraar mein inkaar ke sau pahlu hain
vo to kahiye ki labon pe na tabassum aae

itnaa to bataa jaao khafaa hone se pahle
vo kyaa karein jo tum se khafaa ho nahin sakte

ai mauj-e-havaadis tujhe maalum nahin kyaa
ham ahl-e-mohabbat hain fanaa ho nahin sakte

na bazm apni na apnaa saaqi na shisha apnaa na jaam apnaa
agar yahi hai nizaam-e-hasti to zindagi ko salaam apnaa

jab zaraa raat hui aur mah o anjum aae
baar-haa dil ne ye mahsus kiyaa tum aae

ishq ko jab husn se nazrein milaanaa aa gayaa
khud-ba-khud ghabraa ke qadmon mein zamaana aa gayaa

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi ek kahaani ke sivaa kuchh bhi nahin
log kirdaar nibhaate hue mar jaate hain

zindagi dekh le nazar bhar ke
ham hain shaamil tire kharaabon mein

ham kai roz se be-vajh bahut khush hain chalo
zindagi ki ye adaaein bhi to dekhi jaaein