jism paaband-e-gul sahi 'aabid' — Asghar Abid

ujlat ke alaav mein kiye faisle 'aabid'
ab soch ki barfaani khaDaaun pe khaDe hain

ham to us pasti-e-ehsaas pe jiite hain jahaan
ye bhi maalum nahin jiit hai kyaa maat hai kyaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

fursat mein ik nafas ke kyaa dard-e-dil sunoge
aae to tum va-lekin vaqt-e-akhir aae

kiyaa thaa rekhta parda-sukhan kaa
so Thahraa hai yahi ab fan hamaaraa

gar Thahre malak aage unhon ke to ajab hai
phirte hain paDe dilli ke launDe jo pari se