ujlat ke alaav mein kiye faisle 'aabid' — Asghar Abid

jism paaband-e-gul sahi 'aabid'
dil magar vahshaton ki basti hai

ham to us pasti-e-ehsaas pe jiite hain jahaan
ye bhi maalum nahin jiit hai kyaa maat hai kyaa

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

daavaa-e-insaaniyat 'maail' abhi zebaa nahin
pahle ye socho kisi ke kaam aa saktaa huun main

tumhein jab ru-ba-ru dekhaa kareinge
ye sochaa hai bahut sochaa kareinge

main ajnabi huun magar tum kabhi jo sochoge
koi qarib kaa rishta zarur niklegaa

sazaa ke jhelne vaale ye sochnaa hai gunaah
koi qusur bhi tujh se kabhi huaa ki nahin