amn aur aashti se us ko kyaa — Aziz Ansari

apne liye hi mushkil hai
izzat se ji paanaa bhi

ye apni bebasi hai yaa ki apni be-hisi yaaro
hai apnaa haath un ke saamne jo khud bhikaari hain

hamaari muflisi aavaargi pe tum ko hairat kyuun
hamaare paas jo kuchh hai vo saughaatein tumhaari hain

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

nazar bachaa ke jo aansu kiye the main ne paak
khabar na thi yahi dhabbe baneinge daaman ke

vo dard huun koi chaara nahin hai jis kaa kahin
vo zakhm huun ki hai dushvaar indimaal miraa