khulaa ye dil pe ki taamir-e-baam-o-dar hai fareb — Aziz Hamid Madni

jab aai saaat-e-be-taab teri be-libaasi ki
to aaine mein jitne zaaviye the rah gae jal kar

— Aziz Hamid Madni

narmi havaa ki mauj-e-tarab-khez abhi se hai
ai ham-safir aatish-e-gul tez abhi se hai

— Aziz Hamid Madni

mubham se ek khvaab ki taabir kaa hai shauq
nindon mein baadalon kaa safar tez abhi se hai

— Aziz Hamid Madni

un ko ai narm havaa khvaab-e-junun se na jagaa
raat mai-khaane ki aae hain guzaare hue log

— Aziz Hamid Madni

jo baat dil mein thi us se nahin kahi ham ne
vafaa ke naam se vo bhi fareb khaa jaataa

— Aziz Hamid Madni

aisi koi khabar to nahin saakinaan-e-shahr
dariyaa mohabbaton ke jo bahte the tham gae

— Aziz Hamid Madni

mere baa'd vafaa kaa dhokaa aur kisi se mat karnaa
gaali degi duniyaa tujh ko sar meraa jhuk jaaegaa

— Qateel Shifai

kuchh to majburiyaan rahi hongi
yuun koi bevafaa nahin hotaa

— Bashir Badr

ek parda saa hai fareb-e-nazar
ye bhi uTThe to dekhnaa kyaa hai

— Soz Hoshiarpuri

is qadar musalsal thiin shiddatein judaai ki
aaj pahli baar us se main ne bevafaai ki

— Ahmad Faraz

yaar main itnaa bhukaa huun
dhokaa bhi khaa letaa huun

— Aks Samastipuri

dil ke aaine mein jab aap ki surat dekhi
jis ko dhokaa main samajhtaa thaa vo dhokaa bhi gayaa

— Abu Mohammad Wasil Bahraichi