aap ko dekh kar dekhtaa rah gayaa — Aziz Qaisi

kai baar daur-e-kasaad mein gire mehr-o-maah ke daam bhi
magar ek qimat-e-jins-e-dil jo khari rahi to khari rahi

nazar uThaao to jhuum jaaein nazar jhukaao to Dagmagaaein
tumhaari nazron se sikhte hain tariq maut-o-hayaat ke ham

tujhe siine se lagaa luun tujhe dil mein rakh luun
dard ki chhaanv mein zakhmon ki amaan mein aa jaa

chal 'qaisi' mele mein chal kyaa ronaa tanhaai kaa
koi nahin jab teraa meraa sab mere sab tere

ye raas rang ye mel milan ik haath mein chaand ik mein suraj
ik raat kaa mauj maza saaraa ik din kaa sair-sapaaTaa hai

ab to faqat badan ki muravvat hai darmiyaan
thaa rabt-e-jaan-o-dil to shuruaat hi mein thaa