chal 'qaisi' mele mein chal kyaa ronaa tanhaai kaa — Aziz Qaisi

kai baar daur-e-kasaad mein gire mehr-o-maah ke daam bhi
magar ek qimat-e-jins-e-dil jo khari rahi to khari rahi

nazar uThaao to jhuum jaaein nazar jhukaao to Dagmagaaein
tumhaari nazron se sikhte hain tariq maut-o-hayaat ke ham

tujhe siine se lagaa luun tujhe dil mein rakh luun
dard ki chhaanv mein zakhmon ki amaan mein aa jaa

aap ko dekh kar dekhtaa rah gayaa
kyaa kahun aur kahne ko kyaa rah gayaa

ye raas rang ye mel milan ik haath mein chaand ik mein suraj
ik raat kaa mauj maza saaraa ik din kaa sair-sapaaTaa hai

ab to faqat badan ki muravvat hai darmiyaan
thaa rabt-e-jaan-o-dil to shuruaat hi mein thaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

naaz kar naaz tire naaz pe hai naaz mujhe
meri tanhaai hai partav tiri yaktaai kaa

main aa kar dushmanon mein bas gayaa huun
yahaan hamdard hain do-chaar mere

qaanun jaise kho chukaa sadiyon kaa e'timaad
ab kaun dekhtaa hai khataa kaa hai rukh kidhar