shaam utri hai phir ahaate mein — Bakul Dev

muskuraane kaa fan to baa'd kaa hai
pahle saaat kaa intikhaab karo

aaine mein hai phir vahi surat
yuun hi hoti hai tarjumaani kyaa

vahi aansu vahi maazi ke qisse
jise dekho kaTe ko kaaTtaa hai

havas shaamil hai thoDi si duaa mein
abhi is lau mein halkaa saa dhuaan hai

taalluq tark to kar lein sabhi se
bhale lagte hain kuchh nuqsaan lekin

samundar hai koi aankhon mein shaayad
kinaaron par chamakte hain guhar se

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

gul kiyaa jis ne vo thaa aur magar
shama ne shikva havaaon se kiyaa

ghazal mein jab talak ehsaas ki shiddat na ho shaamil
faqat alfaaz ki kaarigari mahsus hoti hai

maarka garm to ho lene do khun-rezi kaa
pahle shamshir ke niche hamin jaa baiTheinge

mire alfaaz mein us ki halaavat ho gai daakhil
mire lahje mein shaamil ho gai hai guftugu us ki

samundar kaa kinaara chhoDnaa aasaan nahin hotaa
karachi shahr ki shaamein suhaani chhoD aai huun