vahi aansu vahi maazi ke qisse — Bakul Dev

muskuraane kaa fan to baa'd kaa hai
pahle saaat kaa intikhaab karo

aaine mein hai phir vahi surat
yuun hi hoti hai tarjumaani kyaa

havas shaamil hai thoDi si duaa mein
abhi is lau mein halkaa saa dhuaan hai

shaam utri hai phir ahaate mein
jism par raushni ke ghaav liye

taalluq tark to kar lein sabhi se
bhale lagte hain kuchh nuqsaan lekin

samundar hai koi aankhon mein shaayad
kinaaron par chamakte hain guhar se

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

dabaa sakaa na sadaa us ki teri bazm kaa shor
khamosh rah ke bhi koi sadaa banaa huaa hai

ashk-e-gham dida-e-pur-nam se sambhaale na gae
ye vo bachche hain jo maan baap se paale na gae

jaan dene ke sivaa aur bhi tadbir karun
varna ye baat to ham us se sadaa kahte hain