aisi begaanagi nahin dekhi — Baqar Mehdi

is shahr mein hai kaun hamaaraa tire sivaa
ye kyaa ki tu bhi apnaa kabhi ham-navaa na ho

jaane kin mushkilon se jiite hain
kyaa karein koi mehrbaan na rahaa

ham milein yaa na milein phir bhi kabhi khvaabon mein
muskuraati hui aaeingi hamaari baatein

jaane kyuun un se milte rahte hain
khush vo kyaa honge jab khafaa hi nahin

faasle aise ki ik umr mein tai ho na sakein
qurbatein aisi ki khud mujh mein janam hai us kaa

sailaab-e-zindagi ke sahaare baDhe chalo
saahil pe rahne vaalon kaa naam-o-nishaan nahin