jaane kin mushkilon se jiite hain — Baqar Mehdi

is shahr mein hai kaun hamaaraa tire sivaa
ye kyaa ki tu bhi apnaa kabhi ham-navaa na ho

ham milein yaa na milein phir bhi kabhi khvaabon mein
muskuraati hui aaeingi hamaari baatein

jaane kyuun un se milte rahte hain
khush vo kyaa honge jab khafaa hi nahin

aisi begaanagi nahin dekhi
ab kisi kaa koi yahaan na rahaa

faasle aise ki ik umr mein tai ho na sakein
qurbatein aisi ki khud mujh mein janam hai us kaa

sailaab-e-zindagi ke sahaare baDhe chalo
saahil pe rahne vaalon kaa naam-o-nishaan nahin

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kyon tasavvur mein ji rahaa huun main
jab haqiqat mein mar hi jaanaa hai

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

ye shahr hai anjaan kahaan raat guzaarun
hai jaan-na-pahchaan kahaan raat guzaarun

jis din se gayaa vo jaan-e-ghazal har misre ki surat bigDi
har lafz pareshaan dikhtaa hai, is darja varaq namnaak huaa