tazkire mein tire ik naam ko yuun joD diyaa — Bashir Farooqi

pahle ham ne ghar banaa kar faasle paidaa kiye
phir uThaa diin aur divaarein gharon ke darmiyaan

ham tere paas aa ke pareshaan hain bahut
ham tujh se duur rahne ko tayyaar bhi nahin

aagahi karb vafaa sabr tamannaa ehsaas
mere hi siine mein utre hain ye khanjar saare

chale bhi aao ki ye Dubtaa huaa suraj
charaagh jalne se pahle mujhe bujhaa degaa

ajab si aag thi jaltaa rahaa badan saaraa
tamaam umr vo honTon pe ban ke pyaas rahaa

jab ki pahlu se yaar uThtaa hai
dard be-ikhtiyaar uThtaa hai

furqat ki raat vasl ki shab kaa maza milaa
pahron khayaal-e-yaar se baatein kiyaa kiye

kyunkar baDhaaun rabt na darbaan-e-yaar se
aakhir koi to milne ki tadbir chaahiye

hamaare marg pe shaadi abas aghyaar karte hain
jahaan se rafta-rafta ek din un ko bhi jaanaa hai

rail par yaar aaegaa shaayad
muzhda-e-vasl aaj taar mein hai

tum ho mujh se hazaar mustaghni
dil nahin meraa yaar mustaghni