ham tere paas aa ke pareshaan hain bahut — Bashir Farooqi

tazkire mein tire ik naam ko yuun joD diyaa
doston ne mujhe shishe ki tarah toD diyaa

pahle ham ne ghar banaa kar faasle paidaa kiye
phir uThaa diin aur divaarein gharon ke darmiyaan

aagahi karb vafaa sabr tamannaa ehsaas
mere hi siine mein utre hain ye khanjar saare

chale bhi aao ki ye Dubtaa huaa suraj
charaagh jalne se pahle mujhe bujhaa degaa

ajab si aag thi jaltaa rahaa badan saaraa
tamaam umr vo honTon pe ban ke pyaas rahaa

jab ki pahlu se yaar uThtaa hai
dard be-ikhtiyaar uThtaa hai

har taraf dosti kaa mela hai
phir bhi har aadmi akelaa hai

ghair ho koi to us se khul ke baatein kijiye
doston kaa doston se hi gila achchhaa nahin

apne sab yaar kaam kar rahe hain
aur ham hain ki naam kar rahe hain

urdu hai jis kaa naam hamaari zabaan hai
duniyaa ki har zabaan se pyaari zabaan hai

ek dard ki lazzat barqaraar rakhne ko
kuchh latif jazbon ki khuun se aabyaari ki