aagahi karb vafaa sabr tamannaa ehsaas — Bashir Farooqi

tazkire mein tire ik naam ko yuun joD diyaa
doston ne mujhe shishe ki tarah toD diyaa

pahle ham ne ghar banaa kar faasle paidaa kiye
phir uThaa diin aur divaarein gharon ke darmiyaan

ham tere paas aa ke pareshaan hain bahut
ham tujh se duur rahne ko tayyaar bhi nahin

chale bhi aao ki ye Dubtaa huaa suraj
charaagh jalne se pahle mujhe bujhaa degaa

ajab si aag thi jaltaa rahaa badan saaraa
tamaam umr vo honTon pe ban ke pyaas rahaa

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

khvaahish sab rakhte hain tujh ko paane ki
aur phir apni apni qismat hoti hai

'alvi' khvaahish bhi thi baanjh
jazba bhi naa-mard milaa

khvaahish-e-vasl kaa mazmun jo kisi satr mein thaa
kyaa kahun khat ko mire paDh ke vo kyaa kyaa uchhlaa

kyaa vo khvaahish ki jise dil bhi samajhtaa ho haqir
aarzu vo hai jo siine mein rahe naaz ke saath

tiri vafaa mein mili aarzu-e-maut mujhe
jo maut mil gai hoti to koi baat bhi thi