na apne zabt ko rusvaa karo sataa ke mujhe — Bismil Azimabadi

ek din vo din the rone pe hansaa karte the ham
ek ye din hain ki ab hansne pe ronaa aae hai

ik ghalat sajde se kyaa hotaa hai vaaiz kuchh na puchh
umr bhar ki sab riyaazat khaak mein mil jaae hai

ye zindagi bhi koi zindagi hui 'bismil'
na ro sake na kabhi hans sake Thikaane se

aazaadi ne baazu bhi salaamat nahin rakkhe
ai taaqat-e-parvaaz tujhe laaein kahaan se

ye kah ke deti jaati hai taskin shab-e-firaaq
vo kaun si hai raat ki jis ki sahar na ho

kyaa karein jaam-o-subu haath pakaD lete hain
ji to kahtaa hai ki uTh jaaiye mai-khaane se