kyaa karein jaam-o-subu haath pakaD lete hain — Bismil Azimabadi

ek din vo din the rone pe hansaa karte the ham
ek ye din hain ki ab hansne pe ronaa aae hai

ik ghalat sajde se kyaa hotaa hai vaaiz kuchh na puchh
umr bhar ki sab riyaazat khaak mein mil jaae hai

ye zindagi bhi koi zindagi hui 'bismil'
na ro sake na kabhi hans sake Thikaane se

aazaadi ne baazu bhi salaamat nahin rakkhe
ai taaqat-e-parvaaz tujhe laaein kahaan se

ye kah ke deti jaati hai taskin shab-e-firaaq
vo kaun si hai raat ki jis ki sahar na ho

na apne zabt ko rusvaa karo sataa ke mujhe
khudaa ke vaaste dekho na muskuraa ke mujhe

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

zard chehron ki kitaabein bhi hain kitni maqbul
tarjume un ke jahaan bhar ki zabaanon mein mile

jab kisi raat kabhi baiTh ke mai-khaane mein
khud ko baanTegaa to degaa miraa hissa mujh ko

tum ne aavaaz ko zanjir se kasnaa chaahaa
dekh lo ho gae ab haath tumhaare zakhmi

kabhi to aasmaan se chaand utre jaam ho jaae
tumhaare naam ki ik khub-surat shaam ho jaae