maut aaegi us se mil leinge — Chaman Lal Chaman

jin kaa maqsad fareb hotaa hai
vo baDi saadgi se milte hain

mahngaai mein har ik shai ke daam hue hain duune
majburi mein bike javaani do kauDi ke mol

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

kyaa qayaamat hai ki teri hi tarah se mujh se
zindagi ne bhi bahut duur kaa rishta rakkhaa

shab-e-gham ki yuun bhi main kartaa huun 'izzat
ye shab 'umr mein mujh se kaafi baDi hai

yaad aur yaad ko bhulaane mein
umr ki fasl kaT gai dekho