kaun kholegaa dil kaa vo kamra — Chandrashekhar Pandey Shams

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

jo tang aa kar kisi din dil pe ham kuchh Thaan lete hain
sitam dekho ki vo bhi chhuTte pahchaan lete hain

aur phir dil ne us ko chhoD diyaa
jab ta'alluq bahaal thaa hi nahin

gham ke rishton ko kabhi toD na denaa 'vaali'
gham khayaal-e-dil-e-naa-shaad bahut kartaa hai