Wali Aasi

ham khuun ki qisten to ka.i de chuke lekin
ai khak-e-vatan qarz ada kyuun nahin hota

cigareten chaa.e dhuan raat ga.e tak bahsen
aur koi phuul sa anchal kahin nam hota hai

is tarah roz ham ik khat use likh dete hain
ki na kaghaz na siyahi na qalam hota hai

ishq bin jiine ke adab nahin aate hain
'mir' sahab ne kaha hai ki miyan ishq karo

aaj tak jo bhi hua us ko bhula dena hai
aaj se tai hai ki dushman ko dua dena hai

unhen bhi jiine ke kuchh tajrabe hue honge
jo kah rahe hain ki mar jaana chahte hain ham

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

dariyaa dikhaai detaa hai har ek reg-zaar
shaayad ki in dinon mujhe shiddat ki pyaas hai

musallaa rakhte hain sahbaa-o-jaam rakhte hain
faqir sab ke liye intizaam rakhte hain

sameT bikhre hue kaaghzaat ko apne
koi sadaa tujhe vaapas bulaane vaali hai

dosto DhunD ke ham saa koi pyaasaa laao
ham to aansu bhi jo piite hain to paani ki tarah

main jis kaa javaab na de paaun
aisaa bhi koi savaal karnaa