aap chheDein na vafaa kaa qissa — Dard Asadi

tufaan-e-bahr khaak Daraataa mujhe 'turaab'
us se baDaa bhanvar to safine ke biich thaa

tiri shokh aankhon mein baarhaa kai khvaab dekhe hain pyaar ke
tiraa pyaar meraa nasib hai kisi aur ko ye vafaa na de

log kyaa saada hain ummid-e-vafaa rakhte hain
jaise maalum nahin un ko haqiqat teri

vo baat mujh ko to dushnaam si lagi hai 'atiq'
tumhaaraa naam likhaa kis ne be-vafaaon mein

har ek baar vafaaon pe zarb lagti hai
har ek baar miraa pyaar haar jaataa hai

dil liyaa aur bevafaai ki
daad detaa huun dilrubaai ki