dil liyaa aur bevafaai ki — Mustafa Husain Nayyar

tujh se vaaqif hai ik jahaan 'nayyar'
kyaa zarurat hai khud-numaai ki

aql kahti hai dobaara aazmaanaa jahl hai
dil ye kahtaa hai fareb-e-dost khaate jaaiye

phir usi bevafaa pe marte hain
phir vahi zindagi hamaari hai

chaman ke rang-o-bu ne is qadar dhokaa diyaa mujh ko
ki main ne shauq-e-gul-bosi mein kaanTon par zabaan rakh di

in hi kaa naam mohabbat in hi kaa naam junun
miri nigaah ke dhoke tiri nazar ke fareb

karam par bhi hotaa hai dhokaa sitam kaa
yahaan tak alam-aashnaa ho gae ham

baa-vafaa thaa to mujhe puchhne vaale bhi na the
be-vafaa huun to huaa naam bhi ghar ghar meraa