vaqt-e-rukhsat tasalliyaan de kar — Dil Shahjahanpuri

ham ko bechain kiye jaate hain
haae kyaa shai vo liye jaate hain

ye bhigi raat ye ThanDaa samaan ye kaif-e-bahaar
ye koi vaqt hai pahlu se uTh ke jaane kaa

mai-e-kausar kaa asar chashm-e-siyah-faam mein hai
saaqi-e-mast ajab kaif tire jaam mein hai

aaghaaz-e-mohabbat se anjaam-e-mohabbat tak
guzraa hai jo kuchh ham par tum ne bhi sunaa hogaa

main gharq ho rahaa thaa ki tufaan-e-ishq ne
ik mauj-e-be-qaraar ko saahil banaa diyaa

kyaa jaane kis khayaal se chhoDaa pa haal-e-zaar
mujh par baDaa karam hai mire chaarasaaz kaa